KОВИДОТ ПОБРЗО ЌЕ СЕ ШИРИ ОД ПРЕТХОДНО, ЗА ПЕТТИОТ БРАН НЕ Е НАПРАВЕНО СЕКВЕНЦИОНИРАЊЕ НА ТИПОТ, РЕЧЕ САЛИ

    KОВИДОТ ПОБРЗО ЌЕ СЕ ШИРИ ОД ПРЕТХОДНО, ЗА ПЕТТИОТ БРАН НЕ Е НАПРАВЕНО СЕКВЕНЦИОНИРАЊЕ НА ТИПОТ, РЕЧЕ САЛИМинистерот Сали денеска дојде на пуштање на сензорна соба во Заводот за деца со оштетен слух и говор во Битола. (Фото: СДК.МК)

    Трендот на зголемување на бројот заболени од коронавирус веќе започна, а министерот за здравство Беким Сали денес изјави дека поради летниот период и движењето на граѓените се очекува динамиката на ширење да биде поголема од претходните бранови. Тој апелираше до граѓаните да бидат внимателни и да се вакцинираат со што ќе добијат со дополнителен имунитет, зашто уште не е направено секвенционирање на типот на коронавирусот што се шири во петтиот бран.

    „Тоа што е денес 190 позитивни случаи во тек на една недела може да стигне до 1.000. Што порано се заштитиме толку подобро ќе биде за сите нас. Ние во континуитет ќе правиме повици кон јавноста да бидат внимателни. Ова ќе го повторуваме секој ден сè додека не сметаме дека е можеби дојден моментот за преземање рестриктивни мерки како изолација, задолжително носење маска на затворено. Ќе продолжиме со покани за вакцинација на лица од ризични групи, а тоа се хронични болни и над 60 години. Во државата имаме на располагање 480.000 вакцини со рок на траење до крајот на октомври и до крај на година. Ги повикуваме заинтересираните граѓани да се упатат кон вакциналните пунктови, ги има 40, да се здобијат со дополнителен имунитет зашто за петтиот бран уште не е направено секвенцонирање на типот на вирус које присутен меѓу нас“, рече министерот за здравство.

    Тој додаде дека најмногу е против воведување рестриктивни мерки, но ако не се одговори позитивно на апелите што надлежните ги упатуваат за зголемена внимателност и заштита, а бројките продолжат да растат, ќе бидат приморани да преземат и рестриктивни мерки.

    Министерот Сали и неговиот заменик Рендевски денеска присуствуваа на пуштање на сензорна соба во Заводот за деца со оштетен слух и говор во Битола.

    Ж. ЗДРАВКОВСКА

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира