Мајмунот Дино од скопската Зоолошка градина се степал со друг мајмун, па не ја преживеал операцијата која морале да му ја направат поради повредите што ги добил, соопшти скопската Зоолошка градина.

За пцовисаниот мајмун денес јави „Анима Мунди“ кои јавно ја прашаа Зоолошката дали му пружиле соодветна нега на животното откако нивен вработен му ја скршил ногата и тоа од сепса пцовисоало една недела по повредата.

„Ве информираме дека на 18 декември,  при меѓусебен конфликт на два мајмуни од видот павијан, едниот од павијаните, познат во јавноста како Дино, како реултат на конфликтот се здоби со тешка повреда на предната нога. Веднаш истиот беше упатен на факултетот за ветеринарна медицина при што беше извршена ветеринарна интервенција за санирање на повредата. Павијанот Дино не ја преживеа операцијата“, соопшти денес Зоолошката, демантирајќи ги наводите на „Анима Мунди“.

Здружението за заштита на животни „Анима Мунди“ побарало од Зоолошката, но не добило одговор за причините од кои пцовисал мајмунот.