Во пресрет на 1 Мај, младиот охридски нуркач од Центарот за подводни активности „Акватек” Никола Паскали се соочи со распослано ѓубре на дното на Охридското Езеро.

(Фото: Акватек)

„Дното на езерото сѐ повеќе се загадува. Тоа го забележувам меѓу две нуркања во релативно кус временски интервал. Вчера со мои пријатели од Кавадарци нуркавме на неколку локации. На пет метри длабочина најдовме искористени шампони, детски играчки, мрежи од рибокрадци, скелети од мртви риби, со еден збор ѓубре кое му штети на Охридското Езеро”, вели Паскали.

Тој во нашата јавност стана познат по откривањето на јапонски крап во Охридското Езеро, што некој го имал фрлено од домашен аквариум.

Д. ЧУБРИЌ