На местото од урнатиот поранешен театар во Велес се предвидува паркинг, најави градоначалникот Марко Колев, како решение за проблемот со недоволно место за паркирање.

„Со Генералниот план таму има зграда, јас неа не можам да ја избришам, но имаме пресуда на Уставен суд. Ценејќи ги сите работи мислам дека најдобро решение, почитувајќи ги барањата на граѓаните од тој дел, е таму да се изгради паркинг и локацијата хортикултурно да се уреди. Тоа би било времено решение“, рече Колев.

Жителите кои се во близина на оваа локација се противеа да се гради деветокатница, поднесоа жалба до Уставен суд, кој ја прифати. Во текот на постатапката, кога се разгледувале добиениете приговори на граѓаните тие биле одбиени, но тие не ја добиле одлуката и поради тоа таму не може да се гради зграда.

Колев рече дека ако дополнителен простор за паркирање ќе се уреди и користи и делот од кејот, во задниот дел, каде и сега се паркираат автомобили, као и изградба на подземна гаража.

Пренамена од зграда во паркинг има и просторот од поранешен Диспанзер кој исто се сруши, а на негово место е предвидена зграда. Како времено решение се изгради паркинг.

П. ПЕЧКОВ