Ниту обвинителката, ниту државниот инспекторат си ја вршат работата за која се платени од граѓаните, рече денеска скопскиот градоначалник Петре Шилегов. Изјавата на Шилегов е одговор на соопштението на Јавното обвинителството во кое се вели дека градскиот инспектор Мирослав Богдановски не доставил докази по кривичната пријава за „Еко клуб“ за необработен медицински отпад што се депонирал на депонијата „Дрисла“.
„Богдановски на 13 декември, при поднесување на пријавата, им ги презентирал доказите. Не било побарано од него да ги достави снимките. Во исказот негов стои што има на видеото кое тој ги снимал. Неприфатливо е однесувањето на обвинителството 50 дена ништо да не преземете и да молчи. Одговорна институција за ваков случај по наредба на јавен обвинител веднаш ќе го затвори погонот и ќе спроведе истрага“, рече Шилегов.
- ИНСПЕКТОРОТ ОД ГРАД СКОПЈЕ НЕ ДОСТАВИ НИКАКВИ ДОКАЗИ ЗА СЛУЧАЈОТ „ЕКО КЛУБ“, ПРОДОЛЖУВАМЕ СО ПРЕДИСТРАЖНАТА ПОСТАПКА, ВЕЛАТ ОД ОБВИНИТЕЛСТВОТО
- „ЕКО КЛУБ“ ДОНЕЛЕ 1,7 ТОНИ МЕДИЦИНСКИ ОТПАД ВО „ДРИСЛА“ САМО ВО ВТОРНИКОТ, А ЦЕЛА 2019 ГОДИНА УНИШТИЛЕ 4,7 ТОНИ
- УНГАРСКИОТ КОНЗУЛ ОД БИТОЛА Е СОПСТВЕНИК НА „ЕКО КЛУБ“ ШТО НОСЕЛА НЕПРЕРАБОТЕН МЕДИЦИНСКИ ОТПАД НА „ДРИСЛА“
Шилегов вели дека до вакви инциденти доаѓа бидејќи Државниот инспекторат за животна средина ништо не работи и праша како е можно главниот државен инспектор Хусни Тачи само два дена откако тие ги направиле снимките, да потпише извештај до извршена контрола дека се работи по сите прописи.
„Да беше под моја надлежност ниту обвинителката ќе беше уште обвинителка, ниту инспекторот ќе работеше како главен државен инспектор“ рече Шилегов.
А. АНТЕВСКА
