Од 12 септември, системот за сообраќаен надзор „Безбеден град“ започнува со работа и на подрачјето на СВР Велес, соопшти МВР. На повеќе улици во градот се поставени камери за безбедноста во сообраќајот, но има и за безбедноста на граѓаните и заштита на јавниот ред и мир.

„По извршените технички проверки и финалните тестирања, камерите на системот ќе бидат ставени во функција на сообраќајниците на подрачјето на СВР Велес. Со активирањето на системот ќе се овозможи засилена и континуирана сообраќајна контрола, навремено откривање на сообраќајните прекршоци, зголемување на сообраќајната дисциплина и унапредување на безбедноста на патиштата“, велат од МВР.

До крајот на месецов „Безбеден град“ ќе проработи и во Кавадарци и Неготино.

Од МВР апелираат доследно да се почитуваат сообраќајните правила и прописи и за одговорно однесување заради поголема безбедност во сообраќајот. Досега, камерита на „Безбеден град“ од 1 февруари функционират во Скопје, Тетово, Куманово и по автопат Коридор 10 и Коридор 8.

П. ПЕЧКОВ