За да се избегне хроничниот недостаток на паркинг места на Попова Шапка во екот на зимската сезона, јавното претпријатие „Тетово транспорт“ од 27 јануари воведува автобуска линија од Тетово до Попова Шапка. Таа ќе работи само за викендите додека трае зимската сезона.

Автобусите од Тетово кон Попова Шапка ќе тргнуваат во 8:30, 11:00, 14:00 и 17:00 часот, а од Попова Шапка кон Тетово од 9:30, 12:30, 15:30 и 18:30 часот.

Со оваа новина се очекува да се избегнат колони паркирани возила по патот до Попова Шапка кои понекогаш беа долги и по неколку километри.

З. АНДОНОВ