Техничките служби на Општина Штип помогнати од комуналните јавни претпријатија од денеска го започнаа новогодишното украсување на градот .

„Ги користиме старите новогодишни реквизити што ги собираме по завршувањето на новогодишните и божиќните празници. Па така, трошокот е незначителен бидејќи се врши само докуп од 20 до 30 проценти на сијалици и лампиони што прегореле или се оштетиле. Започнавме од централното градско подрачје, мостовите на реката Отиња и новоуредените пешачки патеки во коритото на реката. Следат втората централна улица Ванчо Прќе, Плоштадот Слобода каде ќе има голема елка, ќе ги украсиме и кружните текови и булеварот Гоце Делчев, каде е и влезот во Штип, каде веќе има голема елка и само ќе ја украсиме“, вели Мише Ангелов, еден од раководителите задолжен и за парното греење во општинската зграда.

Т. ЈОВАНОВСКИ