Пред влезот на СВР Тетово, полицаец вчера физички нападнал својот колега. Причината била нивни претходни приватни недоразбирања.

Во расчистувањето на инцидентот вклучен е Одделот за внатрешна контрола, криминалистички истраги и професионални стандарди.

„Вчеравечер во 21 часот и 30 минути, Ф.Х.(44) од тетовското село Пирок во СВР Тетово пријавил дека околу 16 часот, пред влезот во дворот на СВР Тетово, физички бил нападнат од Д.Л.(39) од Тетово поради нивни претходни приватни недоразбирања. Со двајцата полициски службеници на СВР Тетово, инволвирани во овој случај, извршен е службен разговор. Во расчистување на случајот вклучен е и Одделот за внатрешна контрола, криминалистички истраги и професионални стандарди“, соопштуваат од СВР Тетово.

З. АНДОНОВ