ПОЛОВИНА ОД БУЏЕТОТ НА ОПШТИНА КАВАДАРЦИ ЗА ПЛАТИ НА АДМИНИСТРАЦИЈАТА

    ПОЛОВИНА ОД БУЏЕТОТ НА ОПШТИНА КАВАДАРЦИ ЗА ПЛАТИ НА АДМИНИСТРАЦИЈАТА

    За плати на администрацијата во општина Кавадарци се трошат 50 до 60 отсто од општинскиот буџет за 2016 година, кажа денеска Горан Белевски, советник од СДСМ на расправата за Предлог кварталниот извештај за извршувањето на буџетот на општината за 2016 година, четврти квартал.

    „Околу 50 до 60 проценти од парите кои се потрошени во 2016 година се за плати на општинската администрација. Кај капиталните расходи има само 45 отсто реализација. Изградба и реконструкција на локални патишта со половична реализација. Изградба на системи за одводување и прочистување на отпадни води, 34 отсто реализација. Изградба на системи за водоснабдување, за оваа многу битна работа цела година се потрошени само 150 илјади денари. Ова се поразителни податоци”, кажа Белевски.

    Белевски наброја дека нема нови градинка и противпожарна станица, гасификација, подземен коридор, колектор и прочистителна станица во селото Марена. Ја спомена и лошата инфраструктура. Голем број на горливи проблеми кои ги тиштеле граѓаните, со години не биле решавани.

    „Општина Кавадарци со години не постапува по забелешките на Државниот завод за ревизија. Проблемот е во немањето на внатрешен ревизор во општина Кавадарци, а законски треба да има“, додаде Белевски, кој сепак ги нагласи и добрите работи што се направени во изминатиот период како кејот на реката Луда Мара, реновирањето на училиштата и решавањето на проблемот со водоснабдувањето.

    Точката за кварталниот извештај, беше усвоена со 11 гласови „за” и четири „против”.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира