Горат четири шлепера на паркинг во двор на фирма во скопската населба Визбегово, на Качаничкиот пат, но постои можност да бидат зафатени и други камиони, соопшти Центарот за управување со кризи (ЦУК).

„Од спротивна страна на патот се наоѓа бензинската пумпа ХИБ Петрол. За настаната состојба веднаш се известени Бригадата за противпожарна заштита БППЗ на Град Скопје и МВР“, вели ЦУК.

Пријавата за пожар на бројот 112 е добиена во 21.14 часот.

Според очевидци, првично биле зафатени шлепера, но пожарот се проширил уште на два други. Според пријавата на јавувачот постои опасност да бидат зафатени и други камиони.