Продолжува изградбата на планинарскиот дом „Копанки“ на Пелистер, кој изгоре пред 11 години. Со средства од Општина Битола деновиве се работи на изградба на покривната конструкција. Од Општината соопштија дека се завршуваат активностите од првата фаза која предвидуваше расчистување на теренот и подготовка за градење до карабина.

„Завршена е бетонската конструкција и се работи на кровната конструкција, која треба да биде финализирана до крајот на оваа недела, по што ќе продолжат ѕидарските работи. Кровот ќе се покрие со специјална фолија, а зависно од временските услови, планирано е негово целосно покривање со лим.

Оваа година Општината вложи 3,8 милиони денари во обнова на домот. Сепак, потребни се уште многу пари за да се догради култното планинарско место на Пелистер.

Ж. ЗДРАВКОВСКА