Мртво човечко тело во распаѓање открија утринава градежните работници кои пред неколку дена започнаа со расчитување на теренот предвиден за изградба на мега паркот покрај реката Брегалница. По пријавата, на лице место излeгле увидни екипи и според Основното јавно обвинителство, веќе се работи на утврдување на идентитетот на починатото лице.

Трупот бил најден во близина на местото Бунари и пешачката патека која се протега покрај Брегалница. Според работниците, телото било покриено со гранки. Се смета дека станува збор за маж. Жители од блиската населба 8 Ноември велат дека пред 8-9 месеци било пријавено оти жител од оваа населба исчезнал и сметаат дека е нивниот сосед.

Од минатата година досега, во СВР Штип имало неколку пријави за исчезнати мажи и жени од Штип.

Т. ЈОВАНОВСКИ