Куќа на улицата Јордан Мијалков во центарот на Скопје, близу трговскиот центар „Рамстор“, се запали околу пладне. Од куќата се шири црн чан, а како што велат граѓаните од околните згради и куќи, запалени се гуми и мотори, а има и најмалку двајца повредени, од кои едниот полесно, а другиот потешко повреден и уште не можат да го извлечат пожарникарите од објектот.
Од Пожарна велат дека се упатуваат кон пожарот и засега немаат информации за причините. (Фото: Е. Бочвароска)
Командирот на Противпожарната бригада на Град Скопје Звонко Томески ни изјави дека во моментов осум противпожарни возила се движат кон местото на пожарот и има информација само дека е запалена куќа.
„Уште не знаеме што е причината и дали има повредени лица“, вели Томески.
А. АНТЕВСКА
