ШТИП ЌЕ ИМА КОМПЈУТЕРСКИ ЦЕНТАР ОД 162 ИЛЈАДИ ЕВРА СО 146 КАМЕРИ ЗА НАДЗОР НА ГРАДИНКИ, УЧИЛИШТА, ПАРКОВИ, ПЕШАЧКИ ПАТЕКИ И НА СИТЕ ВЛЕЗОВИ ВО ГРАДОТ

    ШТИП ЌЕ ИМА КОМПЈУТЕРСКИ ЦЕНТАР ОД 162 ИЛЈАДИ ЕВРА СО 146 КАМЕРИ ЗА НАДЗОР НА ГРАДИНКИ, УЧИЛИШТА, ПАРКОВИ, ПЕШАЧКИ ПАТЕКИ И НА СИТЕ ВЛЕЗОВИ ВО ГРАДОТШтип вложува 10 милион денари за инсталирање на 146 камери за видеонадзор во градот кои ќе се постават на 54 локации. ( Фото: СДК.МК )

    За да се спречат честите вандализми во Штип, а со цел полесно да се откриваат сторителите на оштетувањата, Советот на Општина Штип донесе одлука да се издвојат 10 милиони денари ( околу 162.000 евра) за набавка на 146 камери кои ќе бидат поставени иа 54 локации во градот. Ова е со цел граѓаните да бидат подобро заштитени, да се намалат девијантните појави со кои се уништува голем дел од вредната штипска инфраструктура.

    „Се предвидува во една општинска просторија да се формира компјутерски центар кој ќе биде поврзан со сите 146 камери кои се планираат да се инсталираат на 54 локации во градот. Со овој проект ќе се овозможи комплетен видеонадзор на целиот град и неговите витални објекти. Тоа значи дека ќе има камери кај градинки, училишта, пешачките патеки, парковите, шеталиштата, новата пешачка патека во центарот на градот и видео надзор на сите патни влезови во градот“, рече секретарот на Општина Штип, Вишна Шорова-Ангелова.

    Според усвоената одлука, десет од камерите за видеонадзор ќе бидат со поголем опсег и ќе бидат поставени на најзначајните локации во градот каде се случуваа чести вандализми на објекти, споменици, комунален инвентар, клупи, канделабри.

    Компјутерскиот центар за видеонадзор на градот ќе го опслужуваат шест професионални лица, некои од нив и досега работеа на компјутерски инсталации со видеомрежа во општинската зграда.

    Т. ЈОВАНОВСКИ

     

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира