Синоќа после полноќ пожар избил во бараките каде што се сместени директорот и вработените во ЈП „Паркови и зеленило”. Бараките се наоѓаат кај расадникот на улица Илинденска во Општина Карпош.
„Добиена е пријава триесетина минути после полноќ и се интервенираше до 1.40 часот со едно возило и 3 пожарникари. Зафатена била површина од 20 метри квадратни, а направената материјална штета не е утврдена”, вели Звонко Томески, командир на Скопската пожарна.
За една година, ова е втор случај да се запалат деловни простории на јавно претпријатие под надлежност на Град Скопје. Во декември 2021 се запалија просториите на ЈП „Улици и патишта“ откако гореше кола паркирана до бараките.
А. АНТЕВСКА
