Возач во автобус на ЈСП „Скопје” вчера истепал патник. Очевидци велат дека патникот на линијата 24 побарал од возачот да вклучи клима, по што настанал конфликт. Возачот го запрел автобусот и почнал да го тепа патникот. Првин возачот го фатил патникот со раце и со глава го удрил по глава, а потоа и на други места.

Од претпријатието денес велат дека возачот е суспендиран. Биле прегледани видеоснимките од автобусот на кој се гледало дека патникот е физички нападнат од возачот.

„Денеска, изготвено е решение за суспензија на возачот и покрената е процедура за преземање на соодветни законски мерки за извршениот престап на работното место”, велат од ЈСП „Скопје”.

А. АНТЕВСКА