Родител од Велес е прогласен за виновен и осуден на алтернативна затворска казна, оти дозволил неговиот син да го земе и вози електричниот тротинет без дозвола на татка си. Обвинетиот добил три месеци затвор, ако во наредната една година не стори ново кривично дело. Нему му се судеше за кривичното дело Предизвикување на општа опасност.

Според обвинението, настанот се случил на 1 мај годинава, кога родителот го оставил електричниот тротинет во дворот од семејната куќа со што бил достапен за управување, а обвинетиот свесен дека може да биде управуван од неговиот малолетен син. Подоцна детето го земало електричниот тротинет, качило уште едно дете на него и додека се возеле по стрмните велешки улици, паднале и двајцата полесно се повредиле.

Пресудата следи откако во јавноста се споделуваат информации дека родители со нивно неодговорно однесување дома, придонесуваат да се користат автомобили, огнени средства, воздушни пушки од чие користење потоа настануваат други кривични дела.

П. ПЕЧКОВ