Премиерот Христијан Мицкоски вели дека македонската влада веќе започнала преговори со три моќни европски држави за доизградба на Клиничката болница во Штип и болницата во Кичево.

Тој најави дека со овие, како што кажа, европски водечки земји се преговара Клиничката болница во Штип да се доизгради и најсовремено опреми, а исто тоа важи и за болницата во Кичево.

„По принципот разговори и договори ‘Влада со Влада’ планираме да ги доизградиме овие здравствени објекти мошне важни и за двата региона. Затоа во преговори сме со три водечки држави во Европа чии тимови веќе работат на овие проекти и ги утврдуваат состојбите со овие капитални инвестиции“, вели Мицкоски кој рече дека не е тајна дека една од тие земји е Франција.

• ВЛАДАТА ПО БРЗА ПОСТАПКА ЌЕ ДОНЕСЕ ОДЛУКА ЗА ДОИЗГРАДБА НА НОВАТА КЛИНИЧКА БОЛНИЦА ВО ШТИП НА КОЈА НЕКОЛКУ ГОДИНИ НИШТО НЕ СЕ РАБОТИ, А БЕШЕ НАЈКАПИТАЛЕН ОБЈЕКТ

Мицкоски денеска беше на поставување на камен-темелник на доградба на детска градинка „Кокичиња“ во село Таринци, Општина Карбинци.

Т. ЈОВАНОВСКИ