Во Битола излезноста во вториот круг за избор на градоначалник годинава е поголема дури и од онаа во 2017. Според податоци од Државната изборна комисија (ДИК), до 13 часот излезноста на битолчани е 32 проценти, а пред четири години беше 28,86 проценти.

Во однос на првиот круг на овие локални избори, излезноста сега е поголема за над седум проценти. Битола во втор круг избира градоначалник, а во 2017 година изборот го направи во првиот круг.

Во првиот круг, според податоците од ДИК, водство со 1.645 глас повеќе освои кандидатот на ВМРО-ДПМНЕ и коалицијата Тони Коњановски пред Христо Кондовски од СДСМ.

Ж. ЗДРАВКОВСКА