При градежни работи за ископ за поставување топловод во Битола, деновиве се откриени 292 неексплодирани гранати од Првата светска војна со калибар 75 милиметри. Неексплодираните убиствени средства се пронајдени на улицата Баталјон Стив Наумов во Битола.

Ѓорги Стефанов од Подрачната дирекцијата за заштита и спасување во Битола соопшти дека нивни екипи се на терен, работат на обезбедување на местото и отстранување на гранатите.

Голема количина гранати, над 5.000 парчиња, беа пронајдени во Битола и во 2020 година при градежни работи кај Градскиот стадион.

Ж. ЗДРАВКОВСКА