На нула е сведен бројот на активни случаи со ковид-19 во Ресен, објави Здравствениот дом од оваа Општина на својата фејсбук страница. Според статистиката на Министерството за здравство, има уште еден активен случај, а според Здравствениот дом веќе нема болен ресенчанец од коронавирус.

Во Ресен во јули, вирусот се ширеше со брзо темпо, а градот успеа брзо да се опорави од болеста и тоа среде туристичка сезона, кога голем дел од капацитетите за сместување се полни. Според Здравствениот дом, за време на пандемијата во Ресен имаше вкупно заболени 144 лица, од кои четворица починаа, а останатите 140 се излекувани.

Ж. ЗДРАВКОВСКА