Документарниот филм „Патување пеш“ (The Walk) на режисерката Тамара Котевска од денеска игра во скопското кино Синеплекс.  Светската премиера беше на 9 ноември 2023 на Њујоршкиот фестивал на документарни филмови (Doc NYC), a македонската лани на 22 август на Фестивалот на креативен документарен филм МакеДокс. Претходниот филм на Котевска, „Медена земја“, што го режираше со Љубомир Стефанов, доби историски две номинации за Оскар, за најдобар документарец и за најдобар странски филм.

Документарниот филм го следи патувањето на Амал, џиновска кукла висока 3,5 метри, млада бегалка што патува преку сириската граница во Турција, Грција, Италија, Франција и Англија, во обид да си најде дом. Филмот се снимаше 2 години, на територија на повеќе од 10 земји.

Главен продуцент на „Патување пеш“ е британската филмска компанија „Греин медија“, македонски копродуцент е „ОХО продукција“, а доби поддршка и од македонската Агенција за филм.

• БЕГАЛЦИТЕ СЕ НЕВИДЛИВИ ВО НАШАТА ЗЕМЈА, НЕ СМЕЕМЕ ДА ОСТАНЕМЕ СЛЕПИ ЗА ПРОБЛЕМОТ, РЕЧЕ РЕЖИСЕРКАТА КОТЕВСКА ЗА НОВИОТ ДОКУМЕНТАРЕЦ „ПАТУВАЊЕ ПЕШ“
• МОНТИРАВМЕ ВО КОМБЕ, ДОДЕКА ВО ТУРЦИЈА ИМАШЕ ПОЖАР, КАЖА РЕЖИСЕРКАТА ТАМАРА КОТЕВСКА ЗА ДОКУМЕНТАРЕЦОТ „ПАТУВАЊЕ ПЕШ“