Ѓулумсер Касапи, Јован Павловски, Снежана Анастасова-Чадиковска и Елена Дончева се годинашните добитници на државната награда „Св. Климент Охридски“.
Министерството за култура соопшти дека универзитетската професорка Касапи ја добива наградата во областа на воспитанието и образованието.
Во областа на културата и уметноста, наградата ќе им припадне на писателот Јован Павловски, пијанистката и професорка Снежана Анастасова-Чадиковска и на академската сликарка и костимографка Елена Дончева.
Наградите ќе бидат врачени на 8 декември во Свечената сала на Собранието на Република Северна Македонија.
