Имав неверојатно искуство на Берлинале, вели актерката Сара Климоска која синоќа во Берлин ја прими наградата „Шутинг старс“ (Shooting Stars), што ја доделува платформата Европска филмска промоција. Седумдесет и првото издание на Берлинале се одржа во март, но наградите се доделуваат периодов од 9 до 20 јуни.

На синоќешната свеченост, на специјално изградената сцена во Музејскиот комплекс во Берлин, наградите на 10-те најдобри европски актери во подем им ги додели Марија Шрајдер. Таа доби Сребрена мечка за најдобра главна улога за филмот што го режираше „Јас сум твојот човек“ .

Климоска на синоќешната свеченост во Берлин. (Фото: Берлинале)

„Имав прекрасни, возбудливи и интензивни три дена во Берлин на првата летна едиција од Берлинскиот филмски фестивал. Конечно имав можност во живо да ги запознам колегите до кои ја делам наградата  и навистина секој еден од нив е исклучителен! Благодарна сум на Агенцијата за филм за номинацијата и на Европската филмска промоција за наградата и за приредување на едно неверојатно искуство“, изјави Климоска.

Наградата ја добива за улогата во дебитантскиот филм на Игор Алексов „Лена и Владимир“, во продукција на „Минд“, според сценариото на Александар Русјаков.

Од земјава, оваа награда досега ја добиле Лабина Митевска во 1998, Наташа Петровиќ во 2011 и Благој Веселинов во 2019.

Б. НЕСТОРОСКА