Американскиот режисер Александер Пејн ќе биде претседател на жирито на Венецискиот филмски фестивал, соопштија организаторите.

Филмовите на Пејн, како „Останатите“, „Бочно“ и „Потомци“, беа номинирани за вкупно 24 оскари, вклучувајќи четири за најдобар филм и три за најдобар режисер. Пејн двапати доби Оскар за најдобро адаптирано сценарио.

„Огромна чест и задоволство е да се биде на чело на жирито во Венеција. Многу ја почитувам речиси 100-годишната историја на Венецискиот филмски фестивал на гласно славење на филмот како уметничка форма“, изјави Пејн.

Осумдесет и второто издание на Венецискиот фестивал ќе се одржи од 27 август до 6 септември. Филмовите кои ќе бидат во конкуренција за Златен лав ќе бидат објавени во јуни.