Почина популарниот актер Гоце Тодоровски, потврдија од Драмски театар, неговата матична куќа. Имаше 75 години.

Роден е на 30 април 1951 во Кичево. По завршувањето на Факултетот за драмски уметности (ФДУ) при Универзитет „Свети Кирил и Методиј“, во класата на професорот Илија Џувалековски, се вработил во Драмскиот театар во Скопје и веднаш се истакнал како мошне надарен и суптилен комичар.

Одиграл над 50 популарни и наградувани театарски улоги во Драмски и во театрите низ земјава, како и во стотина ТВ филмови и серии, како и на филм.

Соработувал со голем број режисери меѓу кои и Слободан Унковски, Коле Ангеловски, Димитар Станковски, Владимир Милчин и Димитрие Османли. Покрај ангажманите во матичниот театар, тој работеше на програмите на радиото и телевизијата учествувајќи во скоро сите хумористичи-сатирични емисии, драми, серии.

Тодоровски во 2025 ги доби државната награда „23 Октомври“ и наградата за животно дело на фестивалот „Војдан Чернодрински“, а во 2023 претседателскиот Орден за заслуги.