Прочуениот американски телевизиски режисер Џејмс Џими Бароус почина на 85 години. ​ Тој е коавтор на хит-серијата „Кафулето ‘На здравје’“ (каде режираше 243 епизоди), а ги потпиша и сите 246 епизоди на „Вил и Грејс“. Тој работеше и на сериите „Пријатели“ , „Фрејзер“, како и пилот-епизоди за „Два и пол мажи“ и „Теоријата на Големиот тресок“.

Бароус помина речиси педесет години зад камерите, специјализирајќи се за ситкоми.  ​Во својата автобиографија од 2022, напиша:

​„Кога режирам, секогаш се обидувам да ја погодам онаа совршена точка каде што најдоброто сценарио се спојува со најдобрата глума и најсилната хемија меѓу актерите. Тој спој го носи најслаткото и најдолготрајното смеење“.

​Неговото семејство во објави дека тој не создавал само хумор, туку хуманост и поврзаност. Колегите за Бароус објавија дека ќе го паметат како исклучително љубезен и дарежлив човек кој го знаел името на секој соработник на сетот, правејќи сите да се чувствуваат еднакво вредни.

​Најголемиот дел од неговите проекти ја одбележаа златната ера на американската телевизија „Ен-Би-Си“ во 1990-тите години.