Серија настапи на Барбра Стрејсенд кои датираат од периодот пред да стане славна ќе бидат објавени оваа есен, откако биле ремастеризирани.

„Барбра Стрејсенд – Во живо во Бон Соар“ содржи песни од нејзините настапи во ноќниот клуб „Бон Соар“ во Менхетн во 1962 година, кои ѝ помогнаа да го потпише првиот договор со дискографска куќа. Албумот ќе биде објавен на 4 ноември.

Добар дел од овие песни подоцна биле студиски преработени и се најдоа на нејзиниот прв албум од 1963 година, за кој освои Греми награда.

Стрејсенд ги чувала оригиналните снимки во својата лична колекција и дозволила да бидат објавени откако ѝ било кажано дека нивниот квалитет ќе биде усовршен со помош на модерната технологија.

„Овие снимки ќе им овозможат на фановите да ја слушнат 20-годишната Стрејсенд на почетокот на една неспоредлива кариера“, објави „Колумбија рекордс“.