Фејсбук и Инстаграм денеска се соочија со сериозен пад на мрежата и голем број корисници не беа во можност да ги отворат своите профили.

Фејсбук месинџер падна низ целиот свет вчеравечер и притоа најтешко беа погодени европските корисници.

Сајтот „Даун детектор“ покажа сериозни проблеми за двете мрежи, што особено било забележливо во Европа и на источниот брег на САД. Не е познато дали падот на двете мрежи е поврзан, иако тие се дел од иста компанија.

Корисници на Фејсбук на почетната страница наидоа на порака дека „сервисот е недостапен“, додека профили на Инстаграм не се отвораа, иако се чинеше дека сè е во ред со апликацијата.

Падовите на Фејсбук и Инстаграм ретко се случуваат, но тоа секогаш има моментално и значително влијание врз милиони луѓе низ целиот свет.