Локалните власти на јонскиот остров Закинтос сакаат да го преземат управувањето и одржувањето на познатиот насукан брод на плажата Навајио, кој што има претрпено значителна штета и е во ризик да исчезне целосно.

Бродот трпи големи штети од бранови и лошо време, посебно за време на зимата.

Зборувајќи за грчката државна телевизија ЕРТ, градоначалникот на Закинтос, Јорго Стасинопулос, кажа дека е време општината да го преземе управувањето со бродот.

„Бродот исчезнува, ова е последна шанса да го спасиме“, кажа тој, додавајќи дека досега заштитата на бродот била оневозможена поради некоординација на неколку различни институции.

Бродот „МВ Панајотис“ се насука на брегот во октомври 1980 година.