Од втората половина на годината ќе почне да се наплаќа влез за туристите во светски познатата Келнска катедрала. Средствата ќе се користат за покривање на зголемените трошоци за одржување, заштита и функционирање.

Влезот во катедралата ќе остане бесплатна за верниците, но, како што вели Гвидо Асман од Советот на катедралата, туристите сочинуваат околу 99% од посетителите. Советот сè уште не ја објавил цената на влезницата.

Келнската катедрала, која е светско наследство на УНЕСКО, е една од најзначајните градби во Германија. Нејзината изградба започнала во 1248 година и продолжила во следните векови, сè додека конечно не била завршена во 1880 година.

Влезот во големиот внатрешен простор на катедралата отсекогаш бил бесплатен, но веќе се наплаќаат посета на ризницата и искачување до платформата за разгледување. Советот соопшти дека катедралата работи со финансиски загуби шест последователни години.

„Дојдовме до ситуација кога резервите на Келнската катедрала ќе се исцрпат во догледна иднина“, изјави администраторот Клеменс ван де Вен.