НОВИ ФОТОГРАФИИ ЗА ПРВПАТ ДАВААТ УВИД ВО ЖИВОТОТ НА МИСТЕРИОЗНИТЕ АМАЗОНСКИ ЛУЃЕ МАСАКО

    НОВИ ФОТОГРАФИИ ЗА ПРВПАТ ДАВААТ УВИД ВО ЖИВОТОТ НА МИСТЕРИОЗНИТЕ АМАЗОНСКИ ЛУЃЕ МАСАКОСе проценува дека Масако има меѓу 200 и 250 припадници (Фото: Фунаи)

    Снимки направени со автоматски камери во бразилските дождовни шуми покажуваат изолирана заедница која успева да преживее и покрај притисокот од сточарите и нелегалната сеча.

    Фотографии од група мажи даваат прв директен увид во животот на оваа заедница позната под името Масако, според реката која минува низ нејзиното земјиште. Сепак, никој не знае како тие се нарекуваат себеси, а и нивните обичаи, јазик и социјални особини исто така остануваат мистерија.

    Се проценува дека Масако има меѓу 200 и 250 припадници, според Националната фондација за домородни народи (Финаи), која со децении работи на заштитата на територијата. Фунаи постави камери на одредени места, каде што повремено остава и метални алатки како подароци.

    Оваа изолирана заедница успева да преживее и покрај притисокот од сточарите и нелегалната сеча (Фото: Фунаи)

    Досегашните индиректни набљудувања открија дека членовите на Масако ловат со три метри долги лакови и ги преместувале своите села во шумата од сезона во сезона.

    Сега со овие фотографии можно е да се забележи сличност со народот Сирионо, кој живее на другата страна на реката Гвапоре, во Боливија. Сепак, и натаму не можеме да кажеме кои се. Тие и натаму се голема мистерија“, изјави Алтаир Алгајер, владин претставник во Фунаи.

    И покрај демографската катастрофа на домородните заедници предизвикана од вековната окупација од недомородното население и од влошувањето на уништувањето на природата, растот на населението кај изолираните народи е тренд во Амазон. Во 2023, научното списание „Нејчр“ откри зголемување на населението долж границите на Бразил со Перу и Венецуела. Сателитските снимки покажаа поголеми земјоделски парцели и проширени простори за домување.

    Потврдени се 61 група кои живеат во Амазонија и регионот Гран Чано, но има извештаи за уште 128.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира