Деведесетгодишниот индиски архитект Балкаришна Доши ја освои престижната Прицкерова награда, за неговата пионерска работа за обезбедување соодветни живеалишта со ниски цени за куќите на најниските класи.
Тој е првиот Индиец кој ја добива највисоката награда во архитектурата.
Доши студирал во Мумбаи, пред да отпатува за Париз во 1950-тите години на минатиот век, за да работи за француско-швајцарскиот пионер, Корбизје.
Доши ќе добие награда од 100.000 долари на свеченоста во Торонто во мај.
„Балкаришна Доши отсекогаш создавал архитектура која сериозна, никогаш не e претенциозна или пак да е заробеник на трендовите“, стои во одлуката на жирито на Прицкер.
Еден од неговите концепти за вдомување на илјадници жители во Индија
Доши му се заблагодари на жирито и рече дека неговите дела се продолжување на неговиот живот, филозофијата и неговите соништа.
Во својата богата кариера, Доши работел на институции, комплекси за мешана употреба, станбени проекти, јавни простори, галерии и приватни резиденции.
Тој стана еден од највлијателните архитекти на пост-независна Индија, спојувајќи ги меѓународните модернистички принципи со локалните традиции.
„Се чини дека треба да се заколнам и цел живот да се потсетувам на тоа: на најниските класи да им се обезбеди соодветно живеалиште“, изјави Доши во 1954 година.
