Дваесет и еден хуманоиден робот им се придружија на илјадниците тркачи на полумаратонот во Пекинг денеска, што беше првпат машини да се натпреваруваат покрај луѓето на ваква трка.

Роботите на кинеските производители беа со разни облици и големини, па некои беа помали од 120 сантиметри, а имаше и високи од 1,8 метри. Еден робот речиси целосно личеше на човек, со женски карактеристики и со можност да намигнува и да се смее. Некои фирми ги тестираа своите роботи со недели пред трката.

„Роботите трчаат многу добро и стабилно“, изјави еден гледач.

Роботите беа придружувани од човечки тренери, а неколку од нив носеа патики. Победничкиот робот Тијангонг Ултра истрча време од два часа и 40 минути, додека победникот на машката трка имаше време од еден час и две минути. Имаше и роботи кои се мачеа, паѓаа и се судираа.

„Перформансите на Тијангонг Ултра беа помогнати од долгите нозе и алгоритам кој му овозможи да имитира како луѓето трчаат маратон“, изјави Танг Џијан, шефот на центарот на роботика во Иновацискиот центар за човечка роботика од Пекинг.