Украина ја претстави новата портпаролка на министерството за надворешни работи која е заснована врз вештачка интелигенција. Облечена во темно одело, портпаролката се претстави како дигитална личност Викторија Ши, при што гестикулира со рацете и ја движи главата додека зборува.

Од министерството кажаа дека изјавите на Ши нема да бидат создавани со вештачка интелигенција, туку ќе бидат напишани и одобрени од вистински луѓе.

„Главната причина за нејзиното создавање е да се заштедат време и ресурси на дипломати. Ваков технолошки исчекор досега не направила ниедна дипломатска служба на светот“, изјави министерот за надворешни работи Дмитро Кулеба.

Ликот и гласот на Викторија се обликувни според вистинска личност: пејачката Розалија Номбре, која потекнува од окупираниот град Доњецк и има 54.000 следбеници на Инстаграм, каде што често дискутира за стереотипи поврзани со Украинци од мешана раса.