Преку 400 километри регионални и локални патишта ќе бидат реконструирани со средства во износ од 86 милиони евра кои Европската банка за обнова и развој (ЕБОР) и ги додели на Македонија, соопшти Министерството за финансии.
Делегација предводена од претседателот на Владата на РМ Зоран Заев, во која е и министерот за финансии Драган Тевдовски, денеска остварија во Лондон.
Премиерот Зоран Заев и министерот за финансии Драган Тевдовски денеска во Лондон имаа средба со претседателот на ЕБОР Сума Чакрабарти, на која што беше потпишан договорот за користење на 86 милиони евра, што е втора транша од заем од вкупно 181 милиони евра од ЕБОР за подобрување на македонската инфраструктура. Со оваа транша е предвидено да се реконструираат 26 делници од регионални и локални патишта.
ЕБОР инвестира во македонската економија од 1993 година. Банката досега потпишала 90 проекти во земјата во износ од 1,6 милијарди евра.
