Македонскиот и грчкиот премиер, Зоран Заев и Алексис Ципрас, денеска во Софија преговараат за името, а според грчките медиуми, ако има договор, без разлика кога ќе се постигне, наводно веќе е договорено заеднички да се потпише во Преспа.

И во двете земји постои воздржан оптимизам, па и владите со последните изјави само ја нагласуваат важноста и неизвесноста на резултатот од средбата, но и најавуваат дека има уште време и простор за конечен договор.

Ципрас вели дека е оптимист и не ги крие големите очекувања од средбата со неговиот македонски колега, иако рече дека „последните чекори се секогаш најтешки“.

Заев, пак, уште повоздржано изјави дека „ова е добар момент да потврдиме што сè е до сега постигнато“.

Ако може да се концентрираат двете оценки околу шансите за договор, тогаш излегува дека во Атина сметаат дека „чашата е до половина полна“, а во Скопје дека „чашата е до половина празна“.