Министерот за здравство Венко Филипче кажа дека веќе е направен список со лекари, анестезиолози и медицински сестри кои по потреба ќе ротираат по здравствените институции, но тој се надева дека нема да дојде до таква ситуација. Филипче рече дека на располагање се 440 медицински сестри и 200 анестезиолози.

„Веќе е спремен списокот на лекари, анестезиолози и медицински сестри кои по потреба ќе ротираат во институциите каде што е потребно, но се надевам дека нема да дојдеме во ситуација да имаме многу случаи на машини за дишење. На располагање се 440 медицински сестри и 200 анестезиолози од целата држава“, кажа Филипче на денешната прес-конференција за состојбата со коронавирусот.

Досега денеска нема нови случаи на заразени, а Филипче кажа дека се тестираат седум лица.