Делегација на американскиот Конгрес, предводена од конгресменот Боб Гудлате, денеска беше во Македонија и се сретна со спикерот Талат Џафери и пратеници во рамките на регионалната посета, соопшти Амбасадата на САД во Скопје. Од амбасадата велат дека на состаноците се разговарало за зајакнување на владеењето на правото во Македонија, за воената соработка, и процесот на формирање на влада.

Конгресмените се сретнаа и со специјалната обвинителка Катица Јанева и со министрите за одбрана и надворешни работи Зоран Јолевски и Никола Попоски. Делегацијата ја посетила и касарната Илинден, каде Воената полиција ја презентирала опремата финансирана од САД.