Дирекцијата за заштита и спасување (ДЗС) оваа година ќе има пет пилоти кои ќе ги возат „ер тракторите“ за гаснење пожари. Двајца нови пилоти успешно ја завршија преобуката во Шпанија за дејство со противпожарните авиони „ер трактор“ на ДЗС, со што се стекнаа со сертификат за оспособеност за летање во сите услови за гаснење пожари на отворено.
„По синоќешното враќање на пилотите од Шпанија, ДЗС ќе ја пречека претстојната летна сезона на пожари на отворено со вкупно пет пилоти коишто имаат светски признати дозволи да летаат со противпожарни авиони. Пилотите пензионираниот полковник Роберт Малезански и Горан Блажески, имаат богата летачка работна биографија“ соопштија од Дирецијата за заштита и спасување.
- ПЕНЗИОНИРАНИТЕ ПИЛОТИ НА „ЕР ТРАКТОРИТЕ“ ЌЕ СЕ АНГАЖИРААТ СО ДОГОВОР НА ДЕЛО И ОД УТРЕ ЌЕ МОЖЕ ДА ГАСНАТ ПОЖАРИ, ОДЛУЧИ ВЛАДАТА
- ДВАЈЦА ОД ТРОЈЦАТА ПИЛОТИ НА АВИОНИТЕ ЗА ГАСЕЊЕ ПОЖАР ЗАМИНАА ВО ПЕНЗИЈА, НОВИ ЌЕ СЕ ВРАБОТУВААТ ПО ИЗБОРИТЕ
Лани во државата имаше само еден пилот за гасење шумски пожари со авион, бидејќи двајца отидоа во пензија. Поради тоа, беше донесена одлука со договор на дело за ланската сезона да бидат ангажирани пилотите кои отидоа во пензија.
А. АНТЕВСКА
