Антикорупциската комисија ги објави имињата на сите функционери казнети по разни основи во 2024 година. Една од најчестите причини за казните е недоставување на барани информации, и таков е случајот со поранешниот вицепремиер Артан Груби, кој е казнет со глоба од 200 евра. Тој е во бегство повеќе од два месеца, откако беше осомничен за проневера во врска со Државна лотарија.

Многумина од казнетите не поднеле изјава за имотна состојба и интереси, а дел се казнети за двојна функција или судир на интереси. Има казнети функционери за злоупотреба на функција, како и за непочитување на обврската за изземање. Казните се движат од 200 до 500 евра, со најчеста глоба од 300 евра. Вкупниот износ на казните е околу 28.000 евра.

Меѓу казнетите се: Фатмир Меџити како министер за здравство, Талат Џафери како премиер и истовремено пратеник, Борислав Крмов како пратеник, Арбер Адеми како  пратеник, Иванка Василева како пратеничка и Изет Меџити како пратеник.