Јавна расправа за предлог-буџетот за 2018 година ќе има во четврток, а потоа тој ќе биде доставен до Владата изјави министерот за финансии Драган Тевдовски, на одбележувањето на Светскиот ден на штедењето.

Тој кажа дека проектирале понизок буџетски дефицит за 2018 година, во однос на годинешниот, односно буџетскиот дефицит да биде 2,8 отсто.

„Законска обврска на Владата е предлог-буџетот да го достави до Собранието до 15 ноември. Првпат досега ќе се организира јавна дебата, на која ќе ги претставиме контурите на предлог-буџетот за наредната година“, рече Тевдовски.