Од денешните 57 новозаболени лица со КОВИД-19 во Скопје, најмногу се од Чаир -11 и од Центар-1о, а потоа од Бутел-9, Карпош 2, Аеродром 5, Гази Баба 5, Петровец 1, Кисела Вода 3, Сарај 3, Ѓорче Петров 1, Шуто Оризари 1, а необработени се уште шест теста, кажа заменик-министерот за здравство Арменд Арслани.
„Контактите и релациите се познати, нашите епидемиолошки служби веќе работат на терен за лоцирање на контактите, но и начинот на ширење на заразата“, рече Арслани.
За денеска во земјава се дијагностицирани 101 случај на КОВИД-19 и еден починат.
Целосна забрана за движење во Скопје, Куманово, Липково, Тетово, Штип, Јегуновце, Желино и Боговиње се воведува од утре од 21 часот до понеделник до 5 часот, одлучи Владата. Во сите останати градови, се забранува движење на сите граѓани од четврток од 21 часот до петок до 05 часот наутро, а во петок, сабота, недела во овие градови забраната започнува од 16 часот и трае до следниот ден до 05 часот наутро.
Б. НЕСТОРОСКА
