Четири лица од Скопје кои утрово биле на тестирање се нови позитивни случаи за коронавирус, со што вкупната бројка на заболени во земјава до 12 часот е 35, објави Министерството за здравство.

„Доцна синоќа на Скопскиот аеродром пристигна авионот со патници од Брисел. Патниците беа тестирани на коронавирус и задржани во изолација до добивање на резултатите. Резултатите на сите патници се негативни, а тие се пуштени дома во задолжителна изолација“, велат од кабинетот на министерот Венко Филипче.

Лицата кои беа привремено сместени во Пепелиште беа посетени од епидемиолози, а денеска ќе бидат преместени во објектот одреден за групна изолација во Демир Капија.

Б. НЕСТОРОСКА