Емилија Нацевска и Ана Митреска се новите вицегувернерки на Народна банка на Република Македонија. Тие на функцијата беа именувани од Собранието на Република Македонија на шеесетата 60. седница, која се одржа на 18 октомври, на предлог од гувернерката Анита Ангеловска-Бежоска по претходно спроведен оглас. Пред стапувањето на функцијата тие дадоа свечена изјава пред претседателот на Собранието Талат Џафери.

„Собранието на Република Македонија без ниту еден глас против, и без ниту еден воздржан, застана зад определбата високиот професионализам да биде основниот двигател при раководењето, носењето на одлуките и севкупното работење на централната банка. Само таквата, препознаена определба го гарантира континуитетот на успешното водење на монетарната политика и развојот на севкупното централнобанкарско работење во нашата држава“, велат од НБРМ.