Во Меѓународната автобуска станица во Скопје денеска интервенираше полиција по пријава за поставена бомба. Пријавено било поради оставен куфер до банкомат на станицата, а по евакуацијата на присутните и проверките, полицијата утврдила дека некој го заборавил куферот и во него имало облека.

„Денеска во СВР Скопје е пријавено дека во кругот на Меѓународна автобуска станица- Транспортен центар во близина на банкомат бил оставен куфер. Веднаш се преземени соодветни мерки и активности, направени се потребните проверки и утврдено е дека станува збор за едно лице кое го оставило куферот, во кој имало облека односно нема никаква опасност за граѓаните“, соопштија од МВР.