Пред денешната посета на премиерот Димитар Ковачевски, утринава изби пожар во трансформаторска станица, дел од новоизградената фотонапонска електрана на поранешниот рудник за јаглен „Осломеј“.

Пожарот е изгаснат, а од компанијата соопштија дека се работи за пробна работа и оти се можни вакви дефекти.

Ковачевски, заедно со министерот за економија Крешник Бектеши и директорот на ЕСМ Васко Ковачевски се дојдени за одбележување на завршувањето на градба на фотонапонската електрана „Осломеј 1-10МВ“ со тест период на целосно монтирана опрема.