Комисијата за заразни болести препорача укинување на сите рестриктивни мерки за справување со ковид-19, освен задолжително носење маска во здравствените установи, аптеките, јавниот превоз и во домовите за стари лица. Таа истовремено апелира граѓаните да ги почитуваат препораките за лична заштита и хигиена, како што се често миење раце, дезинфекција и одржување дистанца.

Од Комисијата потсетуваат дека вакцинацијата и понатаму останува најдобрата и најефикасна мерка за заштита на здравјето на населението.

„Продолжуваме на дневна основа да ја следиме ситуацијата со ковид-19 и доколку има потреба, ќе бидат препорачани нови мерки“, велат од Комисијата за заразни болести, чии препораки треба да бидат потврдени од Владата.

Ж. ЗДРАВКОВСКА