Косовски државјанин шверцувал во комбе 58 мигранти од Пакистан и Сирија. Полицијата го сопрела на автопатот Пријателство во близина на Гевгелија, но тој не застанал и продолжил да вози. Кај клучката за село Смоквица, застанал, излегол од комбето и почнал да бега. Полицијата го фатила и го упасила во близина на село Миравци. Во комбетото „Форд транзит“ меѓу 58 мигранти имало и 7 малолетни лица.

„Осомничениот пеш ја поминал македонско – косовската граница и по добиените насоки од непознато лице, го преземал патничкото моторно возило “Форд Транзит” и тргнал по автопатот А1 во правец кон Гевгелија. На непознато место пресретнал група мигранти кои претходниот ден илегално влегле во земјава, ги прифатил и тргнал во насока кон Скопје. На знак да застане од страна на полициски мешовит тим, осомничениот продолжил со зголемена брзина и кај клучката кон село Смоквица го напуштил возилото со мигрантите и побегнал. Полициските службеници во возилото пронашле 58 мигранти од Пакистан и Сирија, меѓу кои имало и седум малолетни лица. Подоцна осомничениот е пронајден во близина на село  Миравци и лишен од слобода“ велат од соновното јавно обвинителство.

Основното јавно обвинителство за гонење на организиран криминал и корупција, донесоа наредба за спроведување на истражна постапка против лицето за сторено кривично дело Криумчарење мигранти, предвидено и казниво по член 418-б став 4 во врска со став 2 од Кривичниот законик.

До судија на претходна постапка е доставен предлог за определување на мерката притвор за осомничениот. Судијата го прифати предлогот на Обвинителството и на осомничениот му определи мерка притвор во траење од 30 дена.